Imut Il-Priġunier Li Pprova Jagħmel Suwiċidju Fil-Ħabs

Miet il-priġunier ta’ 30 sena li pprova jneħħi ħajtu b’idejh fil-Faċilità Korrettiva ta’ Kordin.

Colin Galea miet fl-Isptar Mater Dei llum wara nofsinhar wara li kien ilu jissielet għall-ħajtu għal dawn l-aħħar tmint ijiem fit-Taqsima tal-Kura Intensiva.

Il-Każ seħħ il-Ħadd 8 ta’ Awwissu meta huwa nstab mitluf minn sensiħ fiċ-ċella tiegħu għal ħabta tal-5pm.

Din hija t-tieni mewta kawża ta’ suwiċidju fil-ħabs f’din is-sena.