Yorgen Fenech Mistenni Jitressaq Il-Qorti Fil-5:30pm Akkużat B’Xiri Llegali Ta’ Armi U Munizzjon

Yorgen Fenech mistenni jitressaq il-Qorti llum, għall-ħabta tal-5:30pm.

Huwa kien interrogat aktar kieni fid-Depot tal-Pulizija dwar xiri ta’ armi u munizzjon bil-kuntrabandu mid-dark web, fejn kien ħallas għalihom bil-Bitcoin.

Dawn l-armi allegatament kien nxtraw sena wara l-mewt ta’ Daphne Caruana Galizia.

Hu ser jkun akkużat b’akkwist ta’ armi u munizzjon mingħajr il-liċenzja tal-Kummissarju tal-Pulizija.

Yorgen Fenech ser jitressaq il-Qorti mill-ispettur Omar Zammit, quddiem il-Maġistrat tal-Għassa Dr Gabriella Vella.

Ritratt: TVM