Lejl Mill-Aqwa Hekk Kif Fuq Il-Fosos Mijiet Ta’ Nies Attendew Għall-Ewwel Kunċert Bil-Wieqfa Fuq Skala Kbira
Ilbieraħ fuq il-Fosos tal-Florjana ġiet organizzata wara stennija kbira l-ewwel attività tal-massa fuq skala kbira bin-nies bil-wieqfa. Huwa stmat li kien hemm madwar 3,000 persuna li attendew.
Bla dubju din kienet serata mill-aqwa mimlija mużika, effetti speċjali u divertiment li kien ilu ma jiġi esperjenzat għal xhur twal.
Fetaħ is-serata id-Dj Malti Carl Bee, fejn wara ħadet ix-xeni l-Heritage Orchestra taħt id-direzzjoni ta’ Jules Buckley. L-istennija kienet li ma din l-orkestra jingħaqad id-Dj ta’ fama mondjali Pete Tong fejn flimkien mal-orkestra wasal uħud mill-aqwa suċċessi mużikali.
Din l-attività ġiet organizzata bl-għajnuna tal-Ministeru tat-Turiżmu u l-Protezzjoni tal-Konsumatur, flimkien ma’ Visit Malta u l-Awtorità Maltija għat-Turiżmu.
