Mara Ta’ 31 Sena Sfat Milquta Minn Karozza Ħdejn Bieb Il-Bombi
Mara Ċiniża ta’ 31 sena sofriet ġrieħi gravi wara li sfat milquta minn karozza.
L-inċident seħħ illum, għal xi tlieta u nofs ta’ waranofsinhar, fi Triq Santa Anna, il-Furjana.
Minn stħarriġ preliminari li sar irriżulta li l-mara li tgħix il-Ħamrun sfat milquta minn karozza ta’ tip Toyota Vitz misjuqa minn raġel ta’ 22 sena residenti il-Belt Valletta.
Il-vittma ngħatat l-assistenza minn tim mediku u ttieħdet l-Isptar Mater Dei b’ambulanza. Aktar tard hi ġiet ċċertifikat bi ġrieħi gravi.
L-investigazzjonijiet tal-Pulizija għadhom għaddejjin.
