The Travellers Ħa Jkunu Qed Iħabbru Data Għal Kunċert Esklussiv Tagħhom

Il-grupp mużikali The Travellers reġgħu lura, u b’aħbar tajba għaliex se jkunu qed iħabbru d-data għal kunċert esklussiv, fejn ħa jkunu qed idoqqu l-aħħar album tagħhom, ‘Inżul u Tlajja.’

‘Inżul u Tlajja’ huwa album b’diski miktuba dwar esperjenzi tal-ħajja. Fil-fatt il-biċċa l-kbira tad-diski huma ispirazzjoni tad-diversi esperjenzi tal-kittieb, avvenimenti u dwar kwistjonijiet soċjali li qed jaffettwaw lill-ġenerazzjonijiet tal-lum.

Proporzjon sostanzjali tal-album huwa bbażat fuq il-ħajja reali ta’ kuljum, l-isfidi u l-kisbiet li wieħed jagħmel f’ħajtu, u għalhekk it-titlu tal-album ‘Inżul u Tlajja.’