Weġġa’ Wara Li Waqa’ Minn Fuq Sellum Fin-Naxxar

Illum, għall-ħabta tad-disgħa ta’ filgħodu, il-Pulizija ġiet infurmata li hemm bżonn lassistenza tagħha ġo residenza fi Triq San Pawl, in-Naxxar.

Mill-investigazzjonijiet preliminari li saru rriżulta li raġel ta’ 49 sena u residenti r-Rabat, weġġa’ wara li waqa’ minn fuq sellum waqt li kien qiegħed jaħdem.

Ir-raġel ingħata l-għajnuna minn tim mediku, ittieħed l-Isptar Mater Dei b’ambulanza u aktar tard, ġie ċċertifikat li weġġa’ gravi.

L-investigazzjonijiet tal-Pulizija għadhom għaddejjin.