Ara B’Mod Sempliċi L-Viżjoni U L-Proposti Kollha Tal-PN

Ilbieraħ filgħaxija fil-Parlament sar id-diskors tal-Kap tal-Oppożizzjoni Bernard Grech dwar il-Budget li ġie mħabbar mill-Gvern il-ġimgħa l-oħra. F’diskors ta’ sagħtejn il-Kap tal-PN beda billi qal li kull persuna għanda valur li jiġi qabel il-flus u l-qliegħ, “il-valur tal-bniedem li għandu jiggwida kull deċiżjoni tagħna.”

Bernard Grech tkellem dwar il-viżjoni tal-Partit Nazzjonalista għal Malta la darba jkun fdat mill-poplu biex imexxi l-pajjiż. Din il-viżjoni hija maqsuma fi tliet pilastri, bl-ewwel wieħed jkun li kulħadd għandu jkollu iktar ħin għalih mal-familja. “Magħna ser taħdem kemm trid u taqla aktar ukoll, imma rrid ukoll li inti ma tkunx kostrett bilfors taħdem kull sekonda bla nifs biex sempliċiment tlaħħaq mal-ħajja bażika,” saħaq Bernard Grech.

It-tieni pilastru li semma Dr. Grech huwa li kulħadd għandu jgħix f’ambjent isbaħ, “mhux f’pajjiż fgat u mifni traffiku u bini bla pjan u mingħajr spazji ħodor miftuħa.”

Il-Kap tal-Oppożizzjoni fid-diskors tiegħu tkellem dwar it-tielet pilastru tal-viżjoni tal-PN li huwa li pajjiżna għandu jgħinek tirnexxi f’kull ambizzjoni tiegħek, “Malta trid tkun il-pajjiż fejn il-Gvern jagħmel kollox biex jgħinek tirnexxi fil-ħolma tiegħek.”

Il-Partit Nazzjonalista huwa l-partit li jemmen fik, fil-ħiliet tiegħek – u għalhekk se  jibqa’ jinvesti fik. Kien għalhekk li fid-diskors tiegħu fil-Parlament il-Kap tal-Oppożizzjoni Bernard Grech ppreżenta numru ta’ proposti.

Dawn huma l-proposti b’mod aktar sempliċi li qed jipproponi l-PN:

1. Żieda ta’ 25% fl-istpendji tal-professjonijiet l-aktar meħtieġa – fosthom infermiera u għalliema.
2. Żieda sostanzjali fil-pagi tal-għalliema.
3. €500 voucher għas-safar liż-zgħazagħ.
4. Karozzi tal-linja kollha jaħdmu bl-elettriku sal-2025.
5. Fond ta’ garanzija biex tixtri l-ewwel dar.
6. Eżenzjoni sħiħa mill-VAT sa €10,000 fuq spejjeż ta’ finishing ta’ djar.
7. Żewġ vapuri ġodda – wieħed minnhom għall-merkanzija.
8. Sptar ġdid ta’ 400 sodda f’Għawdex.
9. Aktar ġonna u spazji miftuħa viċin darek.
10. Nipproteġu artijiet ODZ biż-żewġ terzi tal-Parlament.
11. Investiment organiku fil-ħiliet tal-Maltin u l-Għawdxin.
12. Unit speċjalizzat għal riċerka tad-due diligence għal nutara, accountants u professjonisti oħrajn.
13. Riforma tal-qbiela mal-Gvern.
14. €14-il miljun f’bonuses lill-frontliners.
15. Inqas burokrazija – min jaqla’ sa €60,000 ikun VAT exempt.
16. 8 ġimgħat parental leave bi ħlas.
17. Nestendu t-tax bracket tal-25% minn €60,000 għal 80,000.
18. VAT ta’ 7% għall-bejgħ kollu fir-ristoranti u servizzi oħra tal-lukandi.
19. Ngħinu lill-anzjani – t-tabib tiegħek b’xejn f’darek.
20. Investimenti f’setturi ta’ riċerka u innovazzjoni tax free sal-ewwel €1 miljun.
21. Lump sum għal karozzi elettriċi second-hand.
22. Naqtgħu l-kuntratti tal-Electrogas.
23. Nirrevedu immedjatament il-kuntratti ta’ Vitals u Stew.