“Flimkien Nagħmlu Lokal Isbaħ U Ambjent Aħjar Għal Kulħadd” – Is-Sindku Ta’ San Gwann Trevor Fenech

F’messaġġ li kiteb is-Sindku ta’ San Gwann Trevor Fenech ta’ rendikont tax-xogħolijiet li qed isiru mill-Kunsill Lokali matul dawn l-aħħar jiem.

Huwa qal li din il-ġimgħa tkompla xogħol ta’ manutenzjoni tal-bankini, aċċess aħjar għal kulħadd, żbir u xogħol fil-ġonna u soft areas, tindif fil-lokal u madwar l-ibins, marki  u sinjali tat-toroq ġodda.

Huwa sabiħ li tara Kunsilli Lokali li jaħdmu bla waqfien għal-lokal u r-residenti tagħhom sabiex ikollhom ambjent u kwalità ta’ ħajja aħjar.

“Insostnu l-ħidma tagħna biex flimkien nagħmlu lokal isbaħ u ambjent aħjar għal kulħadd,” temm jgħid is-Sindku Trevor Fenech.