Ġuvni Ta’ 15-il Sena Jinsab Fil-Periklu Tal-Mewt Wara Li Waqa’ Tliet Sulari
Ġuvni ta’ 15-il sena fil-periklu tal-mewt wara li waqa’ madwar tliet sulari għal ġo xaft.
Il-każ seħħ ilbieraħ, għall-ħabta tas-6pm, f’residenza fi Triq it-Tempesta, il-Qrendi.
Il-vittma ingħata l-assistenza minn tim mediku u ttieħed l-Isptar Mater Dei b’ambulanza. Aktar tard hu ġie ċċertifikat bi ġrieħi serji.
Bil-każ ġiet infurmata l-Maġistrat tal-Għassa Dr Marsanne Farrugia li ħatret inkjesta filwaqt li l-investigazzjonijiet tal-Pulizija għadhom għaddejjin.
