Ħdax-il Pittura Ta’ Picasso Nbiegħu Għal $100 Miljun Waqt Irkant

F’Las Vegas ħdax-il pittura ta’ Picasso nbiegħu għal $100 miljun f’irkant li sar ilbieraħ, jumejn qabel il-140 sena mit-twelid tal-artist Spanjol.

Dawn ix-xogħolijiet tiegħu għal diversi snin kienu esibiti fil-lukanda ‘Bellagio’ li hija magħrufa għal arti li hemm fiha fosthom fir-restorant tal-lukanda stess, fejn bosta jmorru jżuru għal dan l-għan.

L-aktar pittura li ġabet flus kienet ‘Femme au Beret Rouge-Orange’ li kienet impittra minn Picasso fl-1938. Din ġabet prezz ta’ $40.5 miljuni.

Ix-xerrejja ta’ dawn il-pitturi baqgħu anonimi.

Ritratti: The Guardian