L-Uffiċċju Tal-MCCF Jimxi B’Mod Tempranju Għal Triq Żekka

Minn nhar it-Tnejn 25 ta’ Ottubru 2021, l-uffiċċji uffiċjali tal-Malta Community Chest Fund ser jimxu b’mod temporanju mill-Palazz tal-Gran Mastru għal 65, Triq Żekka, il-Belt Valletta.

Ir-raġuni għal dan iċ-ċaqliq hija l-proġett kbir ta’ restawr li qed isir minn Heritage Malta fil-palazz. Ix-xogħlijiet rispettivi issa waslu fis-sular ta’ isfel u b’hekk l-uffiċċji tal-MCCFF jeħtieġ li jitbattlu temporanjament sabiex isir ix-xogħol meħtieġ f’din iż-żona.

L-uffiċċji alternattivi saru disponibbli għall-fondazzjoni mill-Kurja tal-Arċisqof wara intervent tal-Arċisqof ta’ Malta, Mons. Charles J. Scicluna.