“Wasalna Fl-Aħħar Ta’ Ottubru U Għadu Ma Sar Xejn” – Il-PN
Il-Ministru għall-Edukazzjoni għażlet li tagħmel konferenza tal-aħbarijiet quddiem l-Iskola Primarja tan-Nadur.
Il-Ministru reġgħet għamlet referenza għax-xogħlijiet li qed jiġu ppjanati li jsiru f’ din l-iskola. Li ma semmietx il-Ministru kien li fil-bidu tas-Sajf li għadda kienet diġá għamlet press conference oħra u wegħdet li x-xogħol kellu jibda sal-aħħar tas-Sajf. Wasalna fl-aħħar ta’ Ottubru u għadu ma sar xejn. Qal dan il-Partit Nazzjonalista fi stqarrija ffirmata minn Chris Said – kelliem għal Għawdex u Clyde Puli – Kelliem għall-Edukazzjoni u Sport.
Tenniet li l-Partit Nazzjonalista jawgura li dan ix-xogħol jsir fl-iqsar żmien possibbli u mingħajr ma jiġu effettwatti t-tagħlim tat-tfal li jattendu f’ din l-iskola. Jawgura wkoll li x-xogħol fuq l-iskola primarja tan-Nadur ma jieħux fit-tul daqs dak li qed jieħu x-xoghol fuq l-iskola primarja tar-Rabat, liema xogħol ilu mwiegħed 7 snin u sal-lum lanqas il-kostruzzjoni ta’ din l-iskola għadha ma hi lesta.
“Infakkru lill-Ministru Caruana li qabel l-elezzjoni tal-2017, 4 snin u nofs ilu, kienet hi stess li għamlet press conference f’Dar Dun Franġisk Grima fl-istess triq tal-iskola primarja tan-nadur u l-Gvern dakinhar wegħdna Dar tal-Anzjani ġdida fin-Nadur. Dakinhar urewna wkoll il-pjanti. Għaddew kważi 5 snin u ma sar assolutament xejn.”
Il-Partit Nazzjonalista appella lill-Ministru Caruana biex tinforma lil Ghawdxin x’ sar minnha d-dar tal-anzjani li kienet habret b’ tant pompa, ritratti u pjanti sbieh ftit gimghat qabel l-elezzjoni tal-2017.
