Is-Segretarju Permanenti Tal-Ministeru Tal-Edukazzjoni Jiġi Ppremjati L-‘Premju Tal-Pudina’ Mill-UPE
Il-Union għall-Edukaturi Professjonali (UPE) illum ippremjati lis-Segretarju Permanenti tal-Ministeru tal-Edukazzjoni Frank Fabri bil-premju tal-pudina.
Dan wara li l-UPE qed takkuża lil Fabri li qed juża l-istudenti li qed jistudjaw bies isiru għalliema fl-iskejjel primarja biex jgħatti nuqqasijiet tal-Ministeru tal-Edukazzjoni.
Il-UPE qalet li numru ta’ student teachers intalbu mid-Dipartiment tal-Edukazzjoni biex jmorru fi skola oħra. Dan wara li kienu diġà bdew jagħmlu l-prattika tagħhom fi skola li kienu diġà tawhom.
Jidher li dan qed isir sabiex il-Ministeru jipprova jsolvi l-problema ta’ nuqqas ta’ għalliema fl-iskejjel primarji.
L-UPE qed tgħid li din hija mossa mill-Ministeru tal-Edukazzjoni sabiex jippruvaw isolvu l-problema sal-vaganzi tal-Milied, hekk kif qed jingħad li l-pjan huwa li minn Jannar 2022 l-iskejjel jerġgħu jibdew joperaw kif kienu qabel il-pandemija.
Ritratt: UPE
