Raġel Ta’ 30 Sena Jindarab Gravi F’Aċċident Tat-Traffiku Fil-Marsa

Somalu ġarrab ġrieħi gravi wara li ntlaqat minn vettura.

L-aċċident seħħ ilbieraħ, għall-ħabta tan-nofsiegħa ta’ waranofsinhar, fi Triq il-Marsa, il-Marsa.

Minn investigazzjoni preliminari rriżulta li Somalu ta’ 30 sena, weġġa’ wara li ntlaqat minn Land Rover Evoque, li kienet qed tinstaq minn raġel ta’ 32 sena residenti l-Belt Valletta.

Is-Somalu ngħata l-għajnuna minn tim mediku, ittieħed l-Isptar Mater Dei b’ambulanza u aktar tard, ġie ċċertifikat bi ġrieħi gravi.

L-investigazzjonijiet tal-Pulizija għadhom għaddejjin.