Sewwieq Ta’ Mutur Weġġa’ Gravi F’Ħabta Ma’ Karozza Fil-Marsa
Sewwieq ta’ mutur weġġa’ gravi f’ħabta ma’ karozza fil-Marsa, aktar kmieni illum.
L-aċċident seħħ għall-ħabta tas-6:30am, fi triq Diċembru Tlettax, il-Marsa.
Il-Pulizija marret immedjatament fuq il-post u mill-ewwel investigazzjonijiet irriżulta li kien seħħ inċident bejn mutur Honda NSS300A misjuq minn raġel ta’ 32 sena residenti Ħal Tarxien u Audi A4, li kienet qed tinstaq minn raġel ta’ 51 sena, residenti il-Għargħur.
Is-sewwieq tal-mutur ingħata l-għajnuna minn tim mediku, ittieħed l-Isptar Mater Dei b’ambulanza u aktar tard ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
