Din Is-Sena Jum Ir-Repubblika Kien Wieħed Speċjali Għall-Ministru Clint Camilleri U Martu
“Ilbieraħ f’Jum ir-Repubblika rċivejna l-isbaħ rigal tal-Milied bit-twelid tat-tieni bint tagħna!”
Hekk kiteb dalgħodu l-Ministru Clint Camilleri fuq il-mezzi soċjali tiegħu hekk kif ħabbar l-aħbar sabiħa tat-twelid tat-tieni tifla.
Huwa qal li martu Deborah u t-tarbija jinsabu tajbin fil-maternity ward filwaqt li Ana qiegħda man-nanniet tistenna li tiltaqa’ għall-ewwel darba m’oħtha ż-żgħira.
“Nirringrazzjaw minn qalbna lill-istaff kollu tal-Isptar Ġenerali t’Għawdex tad-dedikazzjoni impekkabbli tagħhom,” tenna Clint Camilleri.
Huwa temm il-messaġġ tiegħu billi rringrazzja lil kulħadd tal-messaġġi kollha li rċieva filwaqt li skuża ruħu jekk f’dawn il-ġranet mhux ħa jkun daqshekk preżenti.
Awguri Clint u Deborah!
