Il-Liġi Tal-Kannabis Tgħaddi Għall-Aħħar Fażi Tagħha Wara Li Ġiet Approvata Mill-Kumitat Parlamentari
Il-liġi tal-kannabis waslet fl-aħħar fażi tagħha hekk kif ilbieraħ ġiet approvata f’livell ta’ Kumitat Parlamentari.
Il-pass li jmiss issa huwa li din il-liġi tgħaddi mill-aħħar stadju tagħha, dak tat-tielet qari.
Il-Ministru Owen Bonnici fuq il-mezzi soċjali tiegħu qal li dan kien pass importanti ieħor sabiex dan l-abbozz isir liġi.
Huwa qal ukoll li l-Oppożizzjoni ma ressqet l-ebda emenda, filwaqt li irringrazzja lil kull min ipparteċipa u għamel l-interventi tiegħu f’dan l-istadju.
The cannabis reform bill has been approved at committee stage: edging nearer towards the bill becoming law.
The Opposition, in yet another twist, did not propose a single written amendment.
I thank all those who participated and intervened during committee stage.#change
— •Owen Bonnici (@OwenBonnici) November 30, 2021
Id-Deputat Laburista Rosianne Cutajar ukoll kitbet messaġġ fuq il-mezzi soċjali tagħha fejn qalet li din hi riforma li b’kuraġġ u b’sens ta’ ġustizzja soċjali tindirizza realtà li tħalliet taħt it-tapit għal diversi snin.
Rosianne Cutajar kienet ħadmet fuq il-White Paper dwar ir-riforma fil-liġi fuq l-użu responsabbli tal-kannabis meta kienet għadda tokkupa l-kariga ta’ Segretarju Parlamentari.
