Il-Partit Nazzjonalista Bi Proposti Biex Jittaffa L-Impatt fuq L-Industrija Tat-Turiżmu U L-Catering
Fi stqarrija mill-Partit Nazzjonalista, intqal li minħabba ż-żieda qawwija ta’ każijiet ta’ Covid-19 u anke fid-dawl tal-impatt li din iż-żieda qed iġġib fuq is-settur tal-catering u t-turiżmu, b’mijiet ta’ titjiriet imħassra fl-ewwel tliet xhur tas-sena li ġejja, il-PN jemmen li l-Gvern għandu jgħin lis-settur b’mod immedjat.
Għal dan il-għan il-Partit Nazzjonalista jipproponi li:
- Sa Marzu li ġej għandhom jitneħħew it-tariffi relatati mal-liċenzji tal-Awtoritá Maltija għat-Turiżmu.
- Il-VAT għar-ristoranti u bars għandha tonqos għal 7% bħal fil-każ tal-lukandi.
- Il-Gvern għandu jintervjeni kif wiegħed dwar iż-żieda fil-prezz tal-heating fuel oil li żdied bi 8% min-Novembru sa issa.
- Il-Wage Supplement jiġi estiż sa Maruz tas-sena 2022.
- L-Awtoritá Maltija għat-Turiżmu u l-Ministru jieqfu jonfqu flejjes allokati għas-settur fuq id-distrett u minflok jikkonċentra aktar fup pjan ta’ marketing għall-pajjiżna u jinvesti f’setturi ta’ turiżmu li jinsabu mitluqa.
“Il-Partit Nazzjonalista jemmen li jekk vera rridu nsalvaw dan is-settur fi żmien hekk diffiċli, il-gvern għandu jagħti każ dawn il-proposti u jimplimentahom mill-aktar fis”, temmet tgħid l-istqarrija ffirmata minn Robert Arrigo, Viċi Kap għall-Affarijiet tal-Partit u Kelliem għat-Turiżmu
