Ilbieraħ F’Malta Ngħataw 9,500 Tilqima Kontra L-Covid-19
Jidher li wara l-miżuri li tħabbru ftit tal-jiem ilu l-għoti tat-tilqim tal-booster qabad ritmu tajjeb, fejn id-Deputat Prim Ministru u Ministru għas-Saħħa Chris Fearne dalgħodu ħabbar li lbieraħ ingħataw 9,500 tilqima kontra l-Covid-19.
Il-Ministru Chris Fearne fuq il-mezzi soċjali tiegħu qal li dan huwa mertu kbir lit-tim effiċjenti ta’ professjonisti dedikati.
Ħeġġeġ ukoll sabiex kulħadd jirreġistra għall-booster, hekk kif mil-bieraħ ir-reġistrazzjoni infetħet għal dawk kollha minn 18-il sena ‘l fuq.
Il-bieraħ, f’ġurnata waħda tajna 9,500 #tilqima kontra l-covid. Mertu kbir lit-team effiċjenti ta’ professjonisti dedikati. Kun ċert li int ukoll tirreġistra għall-booster. https://t.co/xDyYSLM0tY pic.twitter.com/npSXSVwCZV
— Chris Fearne (@chrisfearne) December 28, 2021