Jintgħażlu L-Ewwel 6 Finalisti Ta’ ‘X Factor Malta’

Ilbieraħ filgħaxija ġew magħrufa l-ewwel 6 finalisti tal-Live Shows tal-programm ‘X Factor Malta’.

It-tliet tfajliet finalisti huma Lisa Gauci, Timea Farr u Shauna Vassallo.

Filwaqt, li t-tliet kontestanti tal-Overs li għamluha għal-Live Shows ta’ ‘X Factor Malta’ huma Cheryl Balzan, Audrienne Fenech u Jimmy.

Kienet deċiżjoni iebsa għal Ira Losco u Ivan Grech biex waslu għad-deċiżjoni hekk kif fi kliemhom stess kien hemm livell tajjeb ħafna fost il-kontestanti magħżula għal fażi tal-‘Judges House’. Kemm Ira u Ivan kienu emozzjonali f’mumenti minnhom fejn kellhom jeliminaw tliet kantanti kull wieħed.

Ilbieraħa ġew eliminati Hannah Theuma, Mariah Gerada, Kristy Spiteri, Janice, Jastene Pacis u Dean Barton.

‘X Factor Malta’ jissokta nhar it-2 ta’ Jannar fid-8.50pm fuq TVM bit-tieni Judges’ Houses minn Sqallija bil-kategoriji tal-gruppi u tas-subien, fejn ħa jkunu qed jintgħażlu 6 finalisti oħra.