Mara Ta’ 66 Sena Sofriet Ġrieħi Serji Wara Li Waqgħet F’Xaft Fin-Nadur

Mara ta’ 66 sena sofriet ġrieħi gravi wara li spiċċat waqgħet madwar sular.

Il-każ seħħ aktar kmieni llum, għall-ħabta ta-ħdax u kwart ta’ filgħodu, ġewwa residenza fi Triq ir-Ramla, n-Nadur.

Il-Pulizija tad-Distrett marret immedjatament fuq il-post u mill-investigazzjonijiet preliminari rriżulta li mara ta’ 66 sena residenti waqgħet ġo xaft minn għoli ta’ madwar sular.

Fuq il-post issejjaħ tim mediku mill-isptar Ġenerali ta’ Għawdex. Il-mara ttieħdet l-isptar b’ambulanza u aktar tard ġiet iċċertifikata bi ġrieħi serji.

Dwar dan il-każ infetħet inkjesta Maġisterjali mmexxija mill-Maġistrat Dr Bridget Sultana, fejn ħatret diversi esperti.

L-investigazzjonijiet tal-Pulizija għadhom għaddejjin.