“Għandi Fiduċja F’Suldat Tal-Azzar Bħalek…” – Jade Cini Titlob Lil Kulħadd Biex Iżomm Lil Missierha Fit-Talb Tiegħu

Miss Universe Malta Jade Cini sejħet għall-appoġġ u t-talb tas-segwaċi tagħha hekk kif missierha Reginald Cini għaddej minn żmien diffiċli minħabba saħħtu.

Reginald Cini, magħruf aħjar bħala Reggie Cini, jibqa’ magħruf fost id-dilettanti tal-futbol bħala wieħed mill-aqwa gowlers li qatt kellna f’Malta, u kien ukoll gowler għat-tim nazzjonali fil-passat.

“Minkejja t-terbulenzi li kellna bejnietna u d-differenzi tagħna għażilt li nibqa’ miegħek fl-agħar żminijiet għax dik hija l-familja,” kitbet bintu, Jade Cini fuq il-mezzi soċjali tagħha.

Hija talbet lil kulħadd biex iżomm lil missierha fit-talb u l-ħsibijiet tiegħu.

“Is-saħħa tiegħu tinsab f’riskju u l-affarijiet ma jidhrux sbieħ, imma għandi fiduċja f’suldat tal-azzar bħalek,” temmet tgħid Jade Cini.

Fi ftit sigħat mijiet ta’ kummenti nkitbu sabiex juru s-sapport tagħhom lill-familja Cini, b’kummenti ta’ kuraġġ f’dan il-mument diffiċli għalihom.

Kuraġġ Reggie!