Il-Kowċ Ta’ Balzan Paul Zammit Ġie Ppreżentat Bl-Unur Ta’ Kowċ Tax-Xahar Għal Diċembru

 Il-Kowċ Ta’ Balzan Paul Zammit Ġie Ppreżentat Bl-Unur Ta’ Kowċ Tax-Xahar Għal Diċembru

F’Diċembru, Balzan taħt Zammit lagħbu żewġ logħbiet, draw kumbattut ta’ 3-3 ma’ Santa Lucia segwit minn rebħa stupenda 2-1 fuq Valletta li pppermettew lil Balzan ikomplu bil-mixja tagħhom għall-post mal-ewwel sitta fit-tieni fażi tal-Kampjonat.

B’kollox Paul għandu 406 partiti fl-ogħla diviżjoni, it-tieni l-aktar kowċ b’logħob fl-ogħla diviżjoni wara l-predeċessur tiegħu fit-tmexxija ta’ Balzan, Mark Miller b’427 logħba.

Il-kowċ irnexxielu jakkwista 126 punt fil-votazzjoni li ssir mill-captains tat-timijiet tal-Premier League, mit-team managers, staff tekniku u l-media.

Il-Viċi President tal-Malta FA Adrian Casha flimkien ma’ Hubert Baldacchino Brand Manager ta’ KIA ppreżentaw it-trofew Motors Inc. Kowċ tax-Xahar għal Diċembru 2021 lill-kowċ Zammit li għażel lill-Fondazzjoni Puttinu Cares biex tibbenefika mill-għotja marbuta ma’ dan l-unur.

Matthew Pullicino

Insegwi b'mod attiv dak kollu li jkun qed jiġri, kemm lokali kif ukoll internazzjonali. Naffaxina ruħi bl-istorja, arti u kultura li għandna f'pajjiżna u dak kollu li huwa Malti. Naħdem ħafna qrib għaqdiet volontarji fil-qasam kulturali u l-esperjenza tiegħi f'dan ix-xogħol nieħu pjaċir naqsamha ma' ħaddieħor.