“Kultant Persuna Kull Ma Tkun Trid Huwa Li Xi Ħadd Jismagħha” – Cyrus Engerer

 “Kultant Persuna Kull Ma Tkun Trid Huwa Li Xi Ħadd Jismagħha” – Cyrus Engerer

“Ilbieraħ ċempilli persuna li ma kontx nafu. Domna fuq siegħa nitkellmu. Qalli li kien qiegħed jieħu pjaċir jarani nitkellem fuq is-saħħa mentali u l-effetti li tista’ tħalli.”

Hekk kiteb il-Membru Parlamentari Ewropew Laburista, Cyrus Engerer fuq il-mezzi soċjali tiegħu, fejn qal semma kemm huwa mportanti li nagħtu każ is-saħħa mentali.

Cyrus Engerer irrakkonta kif dan il-persuna li ċempillu qallu li kemm-il darba talab l-għajnuna lil sħabu u membri tal-familja iżda dawn ma ħaduhx bis-serjetà. “Qalulu li din hija fażi li se tgħaddi.”

Engerer saħaq kemm hemm bżonn li aktar minn qatt qabel nitgħallmu noffru l-għajnuna tagħna billi aktar minn xejn nisimgħu dak li għandhom xi jgħidulna. “Kultant, li sempliċiment tisma’ jagħmel ħafna ġid,” temm jgħid Cyrus Engerer.

Matthew Pullicino

Insegwi b'mod attiv dak kollu li jkun qed jiġri, kemm lokali kif ukoll internazzjonali. Naffaxina ruħi bl-istorja, arti u kultura li għandna f'pajjiżna u dak kollu li huwa Malti. Naħdem ħafna qrib għaqdiet volontarji fil-qasam kulturali u l-esperjenza tiegħi f'dan ix-xogħol nieħu pjaċir naqsamha ma' ħaddieħor.