Pakkett Zalzett B’Xejn Jekk Sejjer Tieħu L-Booster!
Ċajta li xi ħadd għamel fuq il-mezzi soċjali spiċċat biex il-kumpanija nvoluta tqassam pakketti taz-zalzett b’xejn lill-ewwel mitt persuna li jmorru jieħdu t-tilqima tal-booster.
Iċ-ċajta bdiet meta xi ħadd għamel stampa ta’ pakkett zalzett mir-roża u kiteb, “jekk tiekol dan m’għandekx għalfejn tkun taf x’ingredjenti fiha t-tilqima.”
Il-kumpanija li tbiegħ il-prodotti tal-laħam u li l-prodott tagħha spiċċa f’din iċ-ċajta, fuq il-mezzi soċjali tagħhom qalu: “minn għamel din iċ-ċajta?”
“Bis-serjetà imma, ħudu l-vaċċin tal-booster…fil-fatt se nkunu qed nagħtu pakkett zalzett b’xejn lill-ewwel mitt persuna li se jieħdu l-vaċċin,” kitbet il-kumpanija fil-post tagħha.
Jidher li kien hemm min ġa bagħat id-dettalji biex jiġbor dan il-pakkett zalzett.
