Raġel Iwieġeb Mhux Ħati Li Prova Joqtol Lil Martu B’Furmatur F’Ħaż-Żabbar

Raġel ta’ 54 sena minn Ħaż-Żabbar inżamm arrestat wara li kien akkużat li pprova joqtol lil martu b’furmatur fir-residenza tagħhom.

Il-każ seħħ il-Ġimgħa 14 ta’ Jannar meta l-għassa tal-Pulizija ta’ Ħaż-Żabbar kienet informata li mara ngħatat daqqiet ta’ sikkina. L-Ispettur tal-Pulizija qal li huma marru fuq il-post u sabu lill-vittma mal-art u lir-raġel tagħha jgħannaq liż-żewġ uliedu subien.

Aktar tard, uliedu qalu lill-Pulizija li raw lil missierhom jattakka lil ommhom. Huma qalu wkoll li missierhom jsofri minn skiżofrenija u dipressjoni. F’dan il-ħin intqal li r-raġel ittieħed l-Isptar Monte Carmeli. Wara li ġie rrilaxxat, huwa ma wieġeb għall-ebda domanda tal-Pulizija waqt li kien interrogat.

Fil-Qorti r-raġel wieġeb mhux ħati. Id-difiża mmexxija mill-avukati Franco Debono u Marion Camilleri, ma għamlux talba għall-ħelsien mill-arrest u talbu biex l-akkużat jinżamm fl-Isptar Monte Carmeli.

Il-Maġistrat Montebello laqgħet it-talba u ħarġet ordni ta’ protezzjoni favur il-mara u ordnat divjett fuq l-ismijiet.