Anzjan Weġġa’ Serjament Wara Li Kien Imtajjar F’Ħal Għaxaq
Ingliż ta’ 75 sena li joqgħod Ħal Għaxaq weġġa’ serjament wara li kien imtajjar minn karozza.
L-aċċident seħħ illum, għal xi l-għaxra u nofs ta’ filgħodu, f’Dawret Ħal Għaxaq, Ħal Għaxaq.
Il-Pulizija marret immedjatament fuq il-post u mill-ewwel investigazzjonijiet irriżulta li l-vittma, intlaqat minn Toyota Corolla li kienet qed tinstaq minn raġel ta’ 60 sena residenti ż-Żejtun.
Il-vittma ngħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li weġġa’ serjament.
Il-Maġistrat tal-Għassa Dr Gabriella Vella ġiet infurmata bil-każ u ħatret inkjesta.
Il-Pulizija għaddejja bl-investigazzjonijiet fuq il-każ.
