“Assolutament Ma Naqbilx Mal-Pjanta Li Ġiet Ippubblikata Fis-Sajf Dwar Il-Marina F’Marsaskala” – Owen Bonnici
“Assolutament ma naqbilx mal-pjanta li ġiet ippubblikata fis-Sajf dwar il-marina f’Marsaskala.”
Dan qalu l-Ministru Owen Bonnici waqt li kien intervistat fuq l-istazzjon ONE u mistoqsi dwar dan il-proġett.
Huwa qal li għandu l-istess pożizzjoni tal-Prim Ministru u l-Viċi Prim Ministru. “Li qed ngħidu huwa li kwalunkwe tmexxija ‘l quddiem ta’ din iż-żona irid ikollha numru ta’ prinċipji li jridu jibqgħu rispettati.”
Dwar il-bajja ta’ Marsaskala Bonnici qal li ż-żona tan-naħa ta’ ġewwa fejn hemm diġà id-dgħajjes “għandha tiġi organizzata biex dawk il-mażżri u il-bagi jagħmlu sens fid-dinja tal-lum.”
Meta mistoqsi dwar l-Università Amerikana Owen Bonnici qal li Gvern Laburista dejjem ħadem biex iġib l-investiment lejn in-naħa t’isfel ta’ Malta, “Gvern Nazzjonalista lin-nies ta’ Wied il-Għajn kien ġabilhom fabbrika taż-żibel, l-impjant tar-riċiklaġġ ta’ Sant’Antnin.”
“Kont, għadni u nibqa’ nemmen b’qalbi kollha dwar il-bżonn ta’ investiment li jagħmel sens u li joħloq ix-xogħol u ġid ġdid lejn fis-South ta’ pajjiżna,” saħaq il-Ministru Owen Bonniċi.
Ara l-filmat:
