Glen Vella B’Verżjoni Oħra Ta’ ‘Ħarsa Biss’ – Din Id-Darba B’Kollaborazzjoni Ma’ Avenue Sky
Glen Vella u l-boyband Malti Avenue Sky ingħaqdu sabiex flimkien joħolqu verżjoni ġdida tal-kanzunetta Ħarsa Biss li biha Glen rebaħ l-ewwel edizzjoni ta’ Mużika Mużika – Festival Kanzunetta Maltija. Din il-verżjoni ġiet imnedija lbieraħ, fuq il-media soċjali u l-pjattaformi ewlenin.
Ħarsa Biss hija kompożizzjoni ta’ Philip Vella u lirika ta’ Joe Julian Farrugia. L-arranġament vokali għal din il-verżjoni kien f’idejn il-kantant Glen Vella u l-irrekordjar tal-vuċijiet, il-mix u l-arranġament mużikali kienu f’idejn il-kompożitur Philip Vella. Il-vidjow mużikali ġie miġbud u editjat minn Victor Abela.
It-tim irringrazzja wkoll lil Charles and Ron għall-ilbies, lil Jean Zammit għall-irtokk, lil Jurgen Scicluna għall-fotografija u lil Arnold Sammut minn Audio System Malta għad-dawl waqt il-ġbid tal-vidjow.
Ara l-filmat:
