Il-Każijiet Attivi Tal-Covid-19 Komplew Jinżlu L-Isfel Għad-29 Jum Konsekuttiv

Il-każijiet attivi tal-Covid-19 komplew jinżlu l-isfel għad-29 jum konsekuttiv.

L-għadd ta’ persuni li nstabu pożittivi għall-Covid-19 fl-aħħar 24 siegħa kien ta’ 214 persuni, filwaqt li fiequ 280 persuna oħra. B’hekk, l-ammont totali ta’ persuni bil-virus attwalment huwa ta’ 2,675.

B’kollox hemm 98 persuna rikoverati fl-isptar Mater Dei li minnhom hemm 5 persuni fl-ITU.

In-numru ta’ mwiet tela’ għal 560, hekk kif sfortunatament raġel ta’ 78 sena miet waqt li kien pożittiv għall-Covid-19.

Sal-bieraħ kienu ngħataw total ta’ 333,053 dożi tal-booster.