Ilbieraħ F’San Ġwann Kienet Iċċelebrata L-Festa Liturġika Tal-Ewwel Dehra Tal-Madonna Ta’ Lourdes

Il-11 ta’ Frar hija l-festa liturġika tal-ewwel dehra tal-Madonna ta’ Lourdes, festa li tkun iċċelebrata f’San Ġwann.

Propju lbieraħ l-Għaqda Piroteknika 11 ta’ Frar ħadet ħsieb li taħraq numru ta’ murtali sabiex tiċċelebra u tfakkar din il-ġurnata li ġġib l-istess isem tal-għaqda tagħhom.

L-Għaqda Festa Esterna Madonna Ta’ Lourdes ukoll din is-sena ħadu ħsib li jarmaw u jżejnu l-pjazza ta’ San Ġwann biex jkomplu jżidu mal-atmosfera festiva.

Is-Sindku Trevor Fenech irringrazzja liż-żewġ għaqdiet tas-sehem tagħhom fil-festa liturġika.

Bla dubju issa wieħed jitfa’ ħarstu fuq il-festa li tkun ċelebrata f’Awwissu b’mod sħiħ wara nuqqas ta’ sentejn.

Ritratt prinċipali: DS Photography