Zekkin Ixomm €15,030 Fi Flus Mhux Iddikjarati Fl-Ajruport Internazzjonali Ta’ Malta
Il-kelb tad-Dwana Zekkin interċetta €15,030 fi flus mhux iddikkjarati fl-ajruport internazzjonali ta’ Malta. Mara Maltija kienet fi triqitha lejn Dubai u twaqqfet mill-uffiċjali tad-dwana wara li Zekkin ta indikazzjoni lejn din il-passiġġiera.
Meta mistoqsija kemm kellha flus, qalet li kellha €10,000 u hekk ippreżentat lill-uffiċjali. Madanakollu, wara tfittxija mill-uffiċjali tad-dwana, instabu €5,000 oħra.
Il-mara ġiet offruta li tissettilja mingħajr ma tidħol il-qorti; liema talba aċċettat u weħlet ukoll multa.
