Ilbieraħ Giorgia Mae Reġgħet Serqet Ix-Xena
Ilbieraħ kif forsi ħafna nnutaw, Giorgia Mae reġgħet serqet ix-xena hekk kif il-Prim Ministru Robert Abela u martu Lydia ħarġu jsellmu l-folla kbira li nġabret fi Pjazza San Ġorġ.
Malli ħarġet iċ-ċkejkna Giorgia Mae, bl-innoċenza ħelwa tagħha u simpatija liema bħalha, bdiet ixxejjer u titfa’ l-bews lin-nies.
Kif raw hekk, in-nies tista’ tgħid infexxew f’ċapċip b’simpatija lejn it-tifla.
It-tbissima fuq fommha tixhed it-tjubija ħelwa ta’ din it-tifla li l-poplu kollu ħabb.
