Raġel Ta’ 62 Sena Ferut Wara Li Waqa’ Minn Fuq Scaffolding F’Manoel Island
Raġel ta’ 62 sena mill-Isla weġġa’ gravi wara li waqa’ minn fuq scaffolding.
L-aċċident seħħ illum, għall-ħabta tal-10am, fl-inħawi ta’ Manoel Island, il-Gżira.
Il-Pulizija marret minnufih fuq il-post u minn stħarriġ preliminari li sar, irriżulta li l-vittma , weġġa’ wara li waqa’ minn għoli ta’ madwar sular u nofs minn fuq scaffolding. Jidher li f’dak il-ħin ir-raġel kien qed jagħmel xi xogħlijiet fuq dgħajsa.
Ir-raġel ingħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li weġġa’ gravi.
Il-Pulizija għaddejja bl-investigazzjonijiet fuq il-każ.
