Żagħżugħ Isofri Ġrieħi Gravi Wara Li Ttajjar Minn Karozza F’Ħal Qormi

Żagħżugħ ta’ 24 sena sofra ġrieħi serji wara li ttajjar minn karozza.

L-aċċident seħħ aktar kmieni llum, għal xi s-6:30am, fi Triq tal-Ħandaq, Ħal Qormi.

Minn stħarriġ preliminari li sar irriżulta li l-vittma ntlaqat minn karozza ta’ tip Hyundai Kona li kienet qed tiġi misjuqa minn raġel ta’ 33 sena residenti l-Fontana, Għawdex.

Ir-raġel ta’ 24 sena ngħata l-assistenza minn tim mediku, ittieħed l-isptar b’ambulanza u ġie ċċertifikat bi ġrieħi gravi.

L-investigazzjonijiet tal-Pulizija għadhom għaddejjin.