Fil-Ħin Li Ġej Mistenni Jitressaq Raġel Il-Qorti B’Rabta Mal-Qtil Ta’ Mario Farrugia

Il-Pulizija, llum għall-ħabta tal-5:30pm se tkun qed tressaq il-Qorti persuna b’rabta mal-qtil ta’ Mario Farrugia ta’ 62 sena minn Pembroke.

Il-vittma nstab mejjet fil-bagoll tal-karozza tiegħu f’Ħal Qormi.

Ilbieraħ il-Pulizija f’residenza f’Ħ’Attard arrestat raġel; żewġ persuni oħra, raġel u mara ġew arrestati f’residenza fl-Imsida, u mara oħra ġiet arrestata f’residenza fil-Mosta.

Hu mifhum li fost il-persuni arrestati hemm Elliot Paul Busuttil u l-Libjan Ramzi Abdulhafid Abukem.

Jidher li fil-ħin li ġej se jkun Busuttil li se jkun qed jitressaq quddiem il-Maġistrat tal-Għassa Dr Yana Micallef Stafrace.

Ara wkoll:

Arrestati Żewġt Irġiel U Żewġt Nisa B’Rabta Mal-Qtil Ta’ Mario Farrugia