Id-Dumnikani Tal-Birgu Qed Jesebixxu Mill-Ġdid Parti Mis-Sett Ta’ Vari Tal-Ġimgħa L-Kbira Li Saru F’Nofs Is-Seklu 18

L-Arċikonfraternita’ tas-Ssm. Rużarju tal-Knisja Dumnikana tal-Lunzjata, il-Birgu qed tesebixxi l-vari li fadal mis-sett ta’ vari tal-Ġimgħa l-Kbira li kienu joħorġu purċissjoni mill-istess knisja f’jum Ħamis ix-Xirka filgħaxija.

Dawn il-vari kienu saru għal ħabta tal-1750. L-aħħar dabra li saret il-purċissjoni kien għal ħabta tal-1860. Ċertu vari kienu inbiegħu u oħrajn intilfu bil-qerda tat-tieni gwerra dinjija.

Wara 160 sena il-vari li fadal inġibu lura l-knisja tal-Lunzjata, il-Birgu għall-Ġimgħa Mqaddsa ta’ din is-sena għall-qima tal-poplu.