Illejla L-Finali Tal-Festival Mużika Mużika

Hekk kif ilbieraħ filgħaxija segwejna t-tieni serata ta’ Mużika Mużika, il-festival tal-kanzunetta Maltija, żgur li f’xi ħin jew ieħor qanqaltu nostalġija u kantajtu ma’ diversi suċċessi mużikali Maltin.

Il-Lejla tal-Klassiċi kienet serata oħra mimlija spettaklu, b’għadd ta’ kantanti stabbiliti li għamlu unur lil Malta jirritornaw fuq il-palk flimkien mal-parteċipanti kollha. Illejla issa jmiss l-aħħar serata, il-finali.

Fi tmiem is-serata tal-bieraħ tħabbru t-12-il finalista li għaddew għal-finali tal-lejla minn total ta’ 21 parteċipant.

Dawn huma l-finalisti:

WENNISNI – Franklin

JIEN L-ARTIST – Cherylis

MINN TAĦT L-ILSIEN – Avenue Sky

TGĦIDLIX GĦALFEJN – Kyle George

KEWKBA FEĠĠEJA – Gaia Cauchi

AĦJAR HEKK INKELLA AGĦAR – MARA

PURGATORJU – OXYGYN

FITTIXNI – Victoria

ĠMIELEK – Claudia Faniello

OSSIĠNU – Danica Muscat u Kapitlu Tlettax

TKUN ’L HAWN GĦADDI – Kantera

BLA TARF – Kurt Calleja

Il-finali ta’ Mużika Mużika se tkun qed tixxandar dirett illejla fuq TVM mill-MFCC Ta’ Qali, fid-9pm.