Isofri Ġrieħi Gravi Wara Li Ttajjar Minn Karozza Fis-Swieqi
Raġel ta’ 45 sena mis-Swieqi sofra ġrieħi gravi wara li ġie mtajjar minn karozza.
L-aċċident seħħ dalgħodu, għall-ħabta tad-9:15am, fi Triq is-Swieqi, is-Swieqi.
Il-Pulizija marret immedjatament fuq il-post u mill-ewwel investigazzjonijiet irriżulta li l-vittma, intlaqat minn Honda Accord li kienet qed tinstaq minn raġel ta’ 43 sena residenti Marsaskala.
Il-vittma ngħata l-għajnuna minn tim mediku, ittieħed l-Isptar Mater Dei b’ambulanza u aktar tard kien iċċertifikat li sofra ġrieħi gravi.
L-investigazzjonijiet tal-Pulizija għadhom għaddejjin.
