Jitħabbru L-Finalisti Tat-62 Edizzjoni Ta’ Sportmalta Awards Għażliet Sportivi Nazzjonali
Tħabbru l-finalisti tal-edizzjoni ta’ din is-sena ta’ SportMalta Awards Għażliet Sportivi Nazzjonali li se jirrikonoxxu l-kisbiet sportivi tas-sena 2021. Il-ġurnalisti membri tal-Għaqda Ġurnalisti Sport li vvutaw kienu jammontaw għal 69 biex issa tħabbru l-ħames finalisti għal kull kategorija.
Waqt konferenza tal-aħbarijiet fis-Sala Teddie Borg fil-Kumpless Sportiv ta’ SportMalta fil-Kottonera, il-Ministru għall-Edukazzioni, l-lsport, iż-Żgħażagħ, ir-Riċerka u l-Innovazzjoni Clifton Grima qal li kien ta’ pjaċir għalih li qed jattendi għal din iċ-ċerimonja ta’ tħabbira tal-finalisti wara n-nuqqas tas-sena li għaddiet meta saret biss iċ-ċerimonja finali, minħabba s-sitwazzjoni tar-restrizzjonijiet marbuta mal-pandemija. Il-Ministru Grima feraħ lill-isportivi kollha magħżula fis-semi finali u awgura kull suċċess lill-finalisti.
Il-President tal-Għaqda Ġurnalisti Sports Sandro Micallef qal li jinsab sodisfatt bil-parteċipazzjoni tal-membri fil-proċess ta’ votazzjoni u jittama li l-għażla finali tkun tirrifletti verament il-kisbiet tal-atleti, kowċis, tims u uffiċjali tul is-sena 2021. Micallef irrimarka li għas-serata finali se jkun hawn bħala mistiedna internazzjonali l-Viċi President tal-AIPS Iannis Daras u l-President tal-Assoċjazjoni tal-Ġurnalisti Sportivi ta’ Ċipru Erodotos Militdaus.
Il-finalisti tat-62 edizzjoni huma:
SPORTIV TAS-SENA
NEIL AGIUS – Open Water Swimming
THOMAS BORG – Paralympics
GARY GIORDIMAINA – Wrestling
BEN PLUMPTON – Water Polo
JEREMY ZAMMIT – Long Jump (Athletics)
SPORTIVA TAS-SENA
SUE ABELA – Ten Pin Bowling
CLAIRE AZZOPARDI – Long Jump (Athletics)
MYA AZZOPARDI – Swimming
ELEANOR BEZZINA – Target Shooting
YAZMIN ZAMMIT STEVENS – Weightlifting
ŻAGĦŻUGĦ TAS-SENA
JAYDEN CUTAJAR – Water Polo
KAYDEN LAGANÀ – Ten Pin Bowling
RICHARD SCHULTHEIS – Sailing
KIJAN SULTANA – Squash
JEREMY ZAMMIT – Long Jump (Athletics)
ŻAGĦŻUGĦA TAS-SENA
FRANCESCA CLARK – Badminton
CHERISE FARRUGIA– Horse Racing
SASHA GATT – Swimming
TENISHIA THORNTON – Weightlifting
TARA VELLA CLARK – Gymnastics
KOWĊ TAS-SENA
ANTHONY FARRUGIA – Water Polo
JESMOND GIORDIMAINA – Wrestling
JIVKO JECHEV – Athletics
RODMAR PULIS – Weightlifting
RICK VOGELESANG – Ten Pin Bowling
UFFIĊJAL TAS-SENA
JULIAN BAJADA – Paralympics
TERRY CAMILLERI – Billiards & Snooker
JESMOND CARUANA – Weightlifting
TRUSTIN FARRUGIA CANN – Football
BERNARD VASSALLO – Basketball
TIM TAS-SENA
Billiards & Snooker – MASTERS TEAM MEN
Futsal – LUXOL ST ANDREWS TEAM MEN
Rugby – MALTA NATIONAL TEAM MEN
Water Polo – MALTA NATIONAL TEAM U/15 MEN
Weightlifting – EUROPEAN SMALL NATIONS TEAM MIXED
PEOPLE’S CHOICE AWARD
NEIL AGIUS – Open Water Swimming
NOEL AQUILINA – Wheelchair Basketball
ANDY GRECH – Athletics
MAJA THEUMA – Paralympics
TENISHIA THORNTON – Weightlifting
Waqt is-serata se jingħataw ukoll żewġ rikonoxximenti tal-aħjar żewġ atleti ta’ Special Olympics Malta u l-unur tal-Aħjar Attività Internazzjonali tas-Sena.
Is-Segretarju Ġenerali tal-Għaqda Ġurnalisti Sports Lorraine Cunningham għamlet appell lill-finalisti, lill-kowċis u lill-qraba tal-finalisti biex ma’ javviċinawx jew jipprovaw jinfluwenzaw lil xi ġurnalist fl-għażla tal-vot finali. Individwi li jagħmlu dan ikunu skwalifikati immedjatament mill-proċess tal-għażla.
It-62 edizzjoni ta’ SportMalta Awards Għażliet Sportivi Nazzjonali se ssir nhar is-Sibt 23 ta’ April fil-Lukanda Corinthia San Ġorġ f’San Ġiljan, b’xandira diretta tar-Red Carpet fuq il-midja soċjali li tibda fit-8pm u tkompli bis-Serata Finali fuq TVM News+ mid-8:45pm ‘il quddiem.
