Kurt Calleja Huwa R-Rebbieħ Ta’ Mużika Mużika – Festival Kanzunetta Maltija 2022
Kurt Calleja bil-kanzunetta Bla Tarf huwa r-rebbieħ ta’ Mużika Mużika – Festival kanzunetta Maltija 2022 fejn bil-vot tal-pubbliku tela’ fl-ewwel post.
Fit-tieni post, Kantera bil-kanzunetta Tkun l’Hawn Għaddi u fit-tielet post, Claudia Faniello bil-kanzunetta Ġmielek.
Għall-aħjar arranġament mużikali ntagħżlet Tkun l’Hawn Għaddi ta’ Kantera filwaqt li għall-Aħjar interpretazzjoni; Minn Taħt l-Ilsien ta’ Avenue Sky.
Il-festival kien ippreżentat minn Keith Demicoli, Claire Agius u Moira Delia.
Prosit lir-rebbieħa u lill-parteċipanti kollha.
Dan il-festival huwa mtella’ minn Festivals Malta.
Ritratt prinċipali: Camille Fenech Art & Photography
