Ryan Schembri Se Jitressaq Il-Qorti Llum

Il-Pulizija llum se tressaq lil Ryan Schembri l-Qorti mixli b’akkużi relatati ma’ frodi u ħasil ta’ flus, fost oħrajn.

Huwa mistenni jitressaq għall-ħabta tal-11am, quddiem il-Maġistrat tal-Għassa Dr Charmaine Galea.

Ryan Schembri ġie estradit Malta nhar il-Ġimgħa wara li kien arrestat fl-Iskozja. Huwa kien ilu tmien snin maħrub minn pajjiżna.