“Ara Taqtgħux Fejn Dawn Ir-Ritratti?…Beirut Fis-Snin 80, Kabul Fis-Snin 90 Jew Birkirkara?” – Il-MP Adrian Delia
“Ara taqtgħux fejn dawn ir-ritratti?”
Dalgħodu d-Deputat tal-Partit Nazzjonalista Adrian Delia fuq il-mezzi soċjali tiegħu b’mod sarkastiku staqsa lill-pubbliku jekk jaqtgħux fejn huwa l-post li kien qed juri permezz ta’ erba’ ritratti.
Huwa qabbel dawn ix-xeni li jidhru fir-ritratti ma’ Beirut jew Kabul fis-snin 80 u 90.
Fir-ritratti jidher post ta’ kostruzzjoni mimli żibel ta’ kull tip. Jidher ukoll ritratt ta’ munzell żibel qed jitqabbad bin-nar biex jinqered.
Dawn huma xeni li sfortunatament għadna naraw f’pajjiżna fis-sena 2022.
Dan il-każ partikolari jinsab wara l-Knisja ta’ San Franġisk, f’Birkirkara.
Illum permezz tal-app CLEAN and UPKEEP huwa faċli ħafna li wieħed jirrapporta każijiet bħal dawn.
