Bil-Filmat: Meta L-Istitut ‘Luce’ Għamel Dokumentarju Fuq Is-Sbuħija Tal-Wirt Malti

L-Istituto Luce (Luce huwa l-akronimu għal “L’Unione Cinematografica Educativa”, jiġifieri “The Educational Film Union”) kien korporazzjoni tal-films Taljana, maħluqa fl-1924 matul l-era Faxxista.

L-Istitut, ibbażat f’Ruma, kien involut fil-produzzjoni u d-distribuzzjoni ta’ films u dokumentarji maħsuba biex jintwerew fis-swali taċ-ċinema.

Famuż talli kienet għodda qawwija ta’ propaganda tar-reġim faxxista, hija meqjusa bħala l-eqdem istituzzjoni pubblika ddedikata għall-produzzjoni u d-distribuzzjoni ta’ materjali ċinematografiċi għal skopijiet didattiċi u informattivi fid-dinja.

Iżda, interessanti dan id-dokumentarju partikolari dwar is-sabiħ u r-rikezzi tal-istorja u l-wirt ta’ pajjiżna.