Fl-Italja Tifel T’4 Snin Jinqatel B’Daqqa Ta’ Karozza Li Baqgħet Dieħla Fil-Ġnien Tal-Iskola
Fl-Italja, tifel ta’ 4 snin, Tommaso tilef ħajtu traġikament wara li ntlaqat minn karrozza li baqgħet dieħla fil-ġnien tal-iskola fejn dak il-ħin kien hemm it-tfal jilgħabu,
Dan l-aċċident seħħ l-Erbgħa, fis-2:30pm fi skola li tinsab fir-reġjun ta’ L’Aquila.
Rapporti Taljani qed jgħidu li l-karozza kienet ipparkjata f’niżla, u għal xi raġuni mxiet. Sid il-karozza, Bulgara ta’ 38 sena, dak il-ħin kienet qed tiġbor it-tifel tagħha mill-istess skola, filwaqt li fil-karozza kien hemm jistennieha tifel ieħor ta’ 12-il sena.
F’dan l-inċident sfortunat miet Tommaso waqt li kien fl-ambulanza u ħamest itfal oħra ġarrbu ġrieħi.
L-investigazzjoni dwar dan il-każ għadhom għaddejjin u qed tkun interrogata x-xufiera tal-karrozza biex ikun stabbilit jekk kienx traskuraġni tagħha li seħħ dan l-inċident.
Incidente asilo L’Aquila, oggi interrogatorio della donna che aveva parcheggiato l’auto https://t.co/6auwxAIQza
— Sky tg24 (@SkyTG24) May 20, 2022
