“Ir-Russja Biddlet Ir-Reġjun Ta’ Donbas F’Infern” – Il-President Ukren Zelensky
Il-President Ukren Volodymyr Zelensky akkuża lir-Russja li biddlet ir-reġjun tal-Lvant ta’ Donbas f’ “infern”, hekk kif il-ġlied kompla jiħrax.
Waqt li kien qed jitkellem waqt l-indirizz tiegħu ta’ kull filgħaxija minn Kyiv, huwa qal li l-forzi Russi wittew ir-reġjun. “B’attakki kontinwi fuq ir-reġjun ta’ Odesa, u fil-bliet ċentrali tal-Ukrajna, Donbas huwa kompletament meqrud,” tenna Zelensky.
“Dan kollu m’għandux u ma jista’ jkollu l-ebda spjegazzjoni militari għar-Russja,” żied Zelensky.
“Dan huwa tentattiv intenzjonat u kriminali biex joqtlu kemm jista’ jkun Ukreni. Jeqirdu kemm jista’ jkun djar, faċilitajiet soċjali u intrapriżi,” qal il-mexxej Ukren.
Nhar il-Ħamis, il-Ministeru tad-Difiża tal-Ukrajna akkuża lir-Russja li intensifikat l-attakki tagħha fid-Donbas biex ma tħallix liċ-ċivili jaħarbu.
Ilbieraħ filgħaxija s-Senat Amerikani approvaw pakkett ta’ għajnuna lill-Ukrajna, hekk kif dan il-pajjiż qed ikompli jirreżisti l-attakki Russi. L-Amerika se tkun qed tgħin l-Ukrajna b’$40 biljun.
🇺🇦 President Volodymyr Zelenskyy says Ukrainian troops are making progress in liberating the Kharkiv region but Russian forces are increasing their pressure in Donbas.
‘It’s hell, and that’s not an overstatement,’ he says. #UkraineRussia pic.twitter.com/KG6xtX7Kmx
— euronews (@euronews) May 20, 2022
Ritratt: Olga Maltseva
