Jinqaleb Bowser Bid-Diesel Fit-Telgħa Tal-Power Station L-Antika – Evitaw Iż-Żona

 Jinqaleb Bowser Bid-Diesel Fit-Telgħa Tal-Power Station L-Antika – Evitaw Iż-Żona

Bowser li kien qed iġorr id-diesel nqaleb bil-konsegwenza li ammont kbir ta’ fjuwil spiċċa mxerred mat-triq, kif ukoll għaffeġ karozza li kienet ipparkjata.

Dan l-aċċident seħħ għall-ħabta tat-3:30pm fi Triq il-Moll tal-Ħatab, fil-Marsa.

Ħaddiema tal-Protezzjoni Ċivili qed jikkontrollaw din is-sitwazzjoni delikata billi tefgħu ammont kbir ta’ ramel fuq id-diesel li ħareġ mill-bowser.

Mhux magħruf jekk is-sewwieq ġarrabx xi ġrieħi fl-inċident.

Aktar dettalji fil-ħin li ġej.

Filmat: Facebook (Leonard Zammit)

Matthew Pullicino

Insegwi b'mod attiv dak kollu li jkun qed jiġri, kemm lokali kif ukoll internazzjonali. Naffaxina ruħi bl-istorja, arti u kultura li għandna f'pajjiżna u dak kollu li huwa Malti. Naħdem ħafna qrib għaqdiet volontarji fil-qasam kulturali u l-esperjenza tiegħi f'dan ix-xogħol nieħu pjaċir naqsamha ma' ħaddieħor.