Rabtuh Minn Idejh, Serqu L-Flus U Ħarbu – Il-Pulizija B’Tfittxija Għal Tliet Irġiel Li Wettqu Hold Up F’Birkirkara

 Rabtuh Minn Idejh, Serqu L-Flus U Ħarbu – Il-Pulizija B’Tfittxija Għal Tliet Irġiel Li Wettqu Hold Up F’Birkirkara

Il-Pulizija għaddejja bit-tfittxija għal tliet irġiel li wettqu hold up.

Il-każ seħħ illum, għall-ħabta tas-7am, meta l-Pulizija ġiet infurmata li seħħet serqa fi Triq Karm Żerafa, Birkirkara.

Il-Pulizija tad-Distrett ta’ Birkirkara u tar-Rapid Intervention Unit marru fuq il-post u mill-ewwel stħarriġ li sar irriżulta li tliet irġiel mgħammda u armati b’armi tan-nar daħlu f’garaxx, li dak il-ħin fuq ġewwa kien hemm raġel ta’ 53 sena.

Jidher li l-aggressuri rabtuh minn idejh, serqu ammont konsiderevoli ta’ flus kontanti u ħarbu minn fuq il-post.

Fuq il-post issejjaħ tim mediku sabiex jagħti l-għajnuna lill-vittma minħabba li kien qiegħed isofri minn xokk.

Il-Pulizija għaddejja bit-tfittxija għall-ħallelin, waqt li l-investigazzjoni qegħdin jitmexxew mill-Pulizija tad-Distrett u mid-Dipartiment tar-Reati Maġġuri.

Il-Maġistrat tal-Għassa Dr Astrid May Grima ġiet infurmata bil-każ u ħatret inkjesta.

Matthew Pullicino

Insegwi b'mod attiv dak kollu li jkun qed jiġri, kemm lokali kif ukoll internazzjonali. Naffaxina ruħi bl-istorja, arti u kultura li għandna f'pajjiżna u dak kollu li huwa Malti. Naħdem ħafna qrib għaqdiet volontarji fil-qasam kulturali u l-esperjenza tiegħi f'dan ix-xogħol nieħu pjaċir naqsamha ma' ħaddieħor.