“Se Nibqgħu Naħdmu Biex Ir-Riżultati Ekonomiċi Pożittivi Jinħassu Minn Kulħadd” – Il-PM Robert Abela
“It-tbassir tal-Kummissjoni Ewropea llum jitkellem b’mod ċar kif Malta baqgħet u se tibqa’ għaddejja f’din il-mixja ta’ tkabbir ekonomiku, minkejja l-isfidi li jeżistu fid-dinja ta’ madwarna.”
Dan kien il-messaġġ li wassal il-Prim Ministru Robert Abela fuq il-mezzi soċjali tiegħu wara riżultati pożittivi fis-settur ekonomiku ta’ pajjiżna.
Dr. Abela qal li għas-sena d-dieħla qed ikun imbassar li jkollna t-tieni l-ikbar tkabbir ekonomiku u t-tieni l-inqas rata ta’ inflazzjoni fl-Unjoni Ewropea.
“Se nibqgħu naħdmu biex ir-riżultati ekonomiċi pożittivi jinħassu minn kulħadd,” temm jgħid il-Prim Ministru Robert Abela.
