Mietet Ivana Trump … L-Ewwel Mara Ta’ Donald Trump Fl-Età Ta’ 73 Sena

Ivana Trump, l-ewwel mara tal-eks President Amerikan Donald Trump mietet fl-età ta’ 73 sena. Hija omm ta’ tliet itfal li kellha ma’ Donald Trump.

Iżżewġet lil Donald fl-1977 u ddivorzjaw 15-il sena wara fl-1992. Kellhom tliet itfal: Donald Jr, Ivanka u Eric Trump.

Il-Pulizija qed jemmnu li l-kawża tal-mewt tagħha kienet waħda aċċidentali fejn qed jaħsbu li setgħet waqgħet minħabba li nstabet mejta ħdejn it-taraġ fid-dar tagħha fi New York City.

Ritratt: BBC